72-то издание на Филмскиот фестивал во Венеција започна со светската премиера на филмот “Everest” на Baltasar Kormakur.
Филмот, базиран врз алпинистичката несреќа од 1996 во која починаа осум луѓе, е прикажан вон официјалната конкуренција. Во главните улоги играат Jason Clarke, Jake Gyllenhaal, Josh Brolin, John Hawkes и Emily Watson.
Како што беше соопштено фестивалот ќе му оддаде почит на неодамна починатиот режисер и продуцент Wes Craven, со специјална проекција на неговата култна класика “A Nightmare on Elm Street” закажана за сабота навечер.
Во официјалната програма на фестивалот се натпреваруваат 21 филмско остварување, вклучувајќи ги “The Danish Girl” со оскаровецот Eddie Redmayne во режија на Tom Hooper, “Heart of A Dog” на уметничката Laurie Anderson, романтичниот научно-фантастичен филм “Equals” на Drake Doremus со Kristen Stewart и Nicholas Hoult, како и воената драма “Beasts of No Nation” со Idris Elba.
Вон официјалната конкуренција ќе се прикаже “Black Mass” со Johnny Depp во улогата на ФБИ информаторот Whitey Bulger.
Мексиканскиот режисер Alfonso Cuaron е претседател на фестивалското жири.
03.09.2015