Антена 5 Вести

U2 – MTV EMA Глобални икони

Добитници на наградата “Глобална икона” за 2017 која ќе се додели во рамките на MTV европските музички награди се ирските рок легенди U2. Добитници на оваа награда во минатото се Whitney Houston, Eminem, Queen, Green Day.

Одбележувајќи ја почеста, во сабота, еден ден пред одржувањето на MTV европските музички награди, ирскиот бенд ќе настапи на лондонскиот плоштад Трафалгар. Тие ќе бидат дел од посебната вечер насловена MTV Presents Trafalgar Square на која се очекуваат некои од најголемите имиња во светот на музиката. Дел од настапот на U2 ќе биде емитуван во текот на церемонијата на доделувањето на MTV европските музички награди, во недела, на 12 ноември во Вембли Арената.

Ирските легенди неуморно музицираат 39 години, издадоа 13 студиски албуми, освоија огромен број на награди и продадоа над 170 милиони примероци од своите албуми.

Во 2017 заминаа на турнеја одбележувајќи ја 30-годишнината од нивниот легендарен албум “The Joshua Tree”. Во септември 2017 ја издадоа “You’re the Best Thing About Me”, како прв сингл од албумот “Songs of Experience”, кој се очекува во декември.

08.11.2017
Музички времеплов
  • 2000 - All Saints доаѓаат на првото место на британската албумска листа со 'Saints & Sinners'.
  • 1988 - USА No.1 Phil Collins 'Groovy Kind Of Love'
  • 1988 - U2 го добиваат четвртиот британски бр.1 албум со двојниот сет и филмски саундтрак 'Rattle And Hum', на кој е нивниот прв британски бр.1 сингл 'Desire'.
  • 1963 - Кантри пејачот Kenny Rogers на 24 години се жени по трети пат, сега со Margo Gladys Anderson.
  • 1968 - Роден е Orville Richard Burrell, попознат како Shaggy (1993 UK No.1 'Oh Carolina', 2001 UK & USА No.1 'It Wasn't Me', 2001 UK & USА No.1 албум 'Hotshot').
  • Повеќе
Фреквенции
Скопје