Настани

Exit 2016

07.06.2016 20:00 - 10.06.2016 23:00

Exit 2016 се одржа на Петроварадинската тврдина во Нови Сад од 7 до 10 јули. Во текот на четирите фестивалски денови беа забележани 195.000 посетители.

Фестивалот беше отворен со спектакуларниот и традиционален огномет по кој настапи британската поп принцеза Ellie Goulding, а меѓу ѕвездите на првата фестивалска вечер беа и британскиот бенд Bastille.

Ѕвезда на втората вечер беше David Guetta, најголемиот продуцент на денешницата кој пристигна со извонреден аудио-визуелен спектакл.

Меѓу ѕвездите на главната бина беше и фанк легендата George Clinton во придружба на бројната дружина од неговиот Parliament Funkadelic.

Последната вечер беше надминат и рекордот на дневна посетеност на тврдината и беше известено дека 55.000 луѓе ги поминале фестивалските порти и дека главната бина ги надмина сите рекорди во своето 16-годишно постоење. Ништо чудно ако се знае дека настапија Wiz Khalifa, eдна од најголемите рап ѕвезди во моментов, и милениците на фестивалот – Prodigy.

На втората по големина фестивалска бина публиката во текот на Exit ja забавуваа Dimitri Vegas & Like Mike – бр.1 на DJ Mag листата за 2015 година, Solomun, Nicki Romero, Dave Clarke, Oliver Heldens, Richie Hawtin.

Exit авантурата од Нови Сад се пресели на плажата Јаз во Будва каде се одржа Sea Dance фестивалот

Музички времеплов
  • 1997 - Prodigy започнуваат 5-неделен престој на првото место на британската албумска листа со 'The Fat Of The Land'. Firestarter
  • 1985 - Во 12:01 на Вембли стадионот Status Quo го отвораат спектаклот 'Live Aid', кој подразбира истовремени концерти во Лондон и Филаделфија. Настапува кремот на најголемите светски музички ѕвезди и овој светски настан собира 40 милиони фунти, кои одат во добротворни цели. Настанот го следат над 1,5 милијарда луѓе во 160 земји и станува најгледан ТВ пренос на сите времиња.
  • 1991 - Фондацијата Everly Brothers купува земјиште во родниот град на членовите на дуото со цел да изгради парк и музеј во нивна чест.
  • 1974 - USА No.1 George McCrae 'Rock Your Baby'
  • 2002 - Fatboy Slim прави застој во реонот на Брајтон зашто организирал бесплатна забава на плажа. Самиот вложил сопствени 100.000 фунти за забавата зашто откажале спонзорите.
  • Повеќе
Фреквенции
Скопје