Антена 5 Вести

Познат победникот на Critic’s Choice

Објавен е победникот на Critic’s Choice наградата во рамките на Британските музички награди 2019. Тоа е Sam Fender.

Тој ја добива наградата во значаен момент за неговата кариера. Во последните месеци беше зафатен со турнеја низ Британија и Европа, полека градејќи ја својата армија на лојални фанови. Овој млад музичар со база во Њукасл неодамна го издаде и своето деби  EP, “Dead Boys”.

За Critic’s Choice наградата годинава беа номинирани уште Lewis Capaldi и Mahalia. Наградата им се доделува на талентирани музичари на кои им се предвидува успех во  годината која претстои, а во која треба да го издадат својот деби албум. За победникот гласа специјален експертски тим составен од музички уредници во поголемите британски весници, музичките и лајф списанија и музичките веб сајтови, како и главните луѓе од големите ТВ и радио станици.

Претходни добитници на Critic’s Choice наградата се Adele, Florence + The Machine, Emeli Sande, Sam Smith, Rag’n’Bone Man и Jorja Smith.

Номинациите за Британските музички награди 2019 ќе бидат објавени на 12 јануари, а новото издание на наградите ќе се одржи на 20 февруари во лондонската Арена.

28.12.2018
Музички времеплов
  • 1994 UK No.1 D:Ream 'Things Can Only Get Better'
  • 1972 Албумот на Don McLean, 'American Pie', започнува 7-неделен престој на првото место на американската албумска листа.
  • 1987 UK No.1 Steve 'Silk' Hurley 'Jack Your Body'
  • 1983 На западниот брег на САД започнува со емитување новиот 24-часовен музички ТВ канал наречен MTV.
  • 1931 Роден е американскиот соул пејач Sam Cooke (1957 USА No.1 & UK No.29 ‘You Send Me’ & 1986 UK No.2 ‘Wonderful World’).
  • Повеќе
Фреквенции
Скопје