Доделувањето на MTV Европските музички награди се приближува, а со него и изборот за најдобар изведувач од регионот. И годинава во категоријата Најдобар изведувач од MTV Adria регионот ќе бидат номинирани пет изведувачи, од кои MTV каналот номинираше четири кои директно се пласираа во оваа категорија, а петтиот ќе го одбере публиката од регионот. Гласањето за Wild Card номинацијата започнува денес и се одвива преку Твитер.
Четирите изведувачи номинирани зa Најдобар изведувач од MTV Adria регионот се:
2Челос
Даниел Кајмакоски
Марчело
Хладно пиво
Петтиот номиниран изведувач ќе биде одбран по принципот на Wild Card номинација, односно публиката по пат на друштвената мрежа Твитер ќе одлучи кој ќе се приклучи кон категоријата Најдобар изведувач од MTV Adria регионот.
Можност за номинација, благодарение на гласовите на публиката имаат следниве изведувачи:
Billy Andol
Jackson
Sajsi MC
Sassja
Siddharta
Гласањето за Wild card фазата започнува денес и ќе трае до понеделник, 14 септември во 23:59 часот и ќе се одвива преку Твитер со користењето на хаштагот #MTVEMA и #NominateImeNominovanogIzvođača.
За да биде вашиот глас важечки задолжително мора да стојат двата хаштага:
- #MTVEMA #NominateBillyAndol
- #MTVEMA #NominateJackson
- #MTVEMA #NominateSajsiMC
- #MTVEMA #NominateSassja
- #MTVEMA #NominateSiddharta
Изведувачот кој ќе добие најголем број на гласови ќе се пласира во следниот, финален круг на натпреварување во категоријата Најдобар изведувач од MTV Adria регионот каде ќе го очекуваат 2Челос, Даниел Кајмакоски, Марчело и Хладно пиво.
Последниот круг на гласање ќе започне на 15 септември и ќе трае до 14 октомври на полноќ.
Церемонијата на доделувањето на MTV европските музички награди ќе се одржи на 25 октомври во Милано.
11.09.2015