Водителот на MTV европските музички награди Ed Sheeran ќе настапи на свеченоста во Милано во дует со лондонската четворка Rudimental.
Организаторите исто така објавија дека свое деби како изведувач на наградите ќе има Ellie Goulding, а кон листата изведувачи се приклучуваат поп сензацијата Jason Derulo и дуото twenty one pilots.
Како презентери ќе се појават познатиот диџеј и продуцент Martin Garrix (кој е номиниран во категориите Најдобар електро изведувач и Најдобар холандски изведувач), како и ѕвездата од “Pretty Little Liars”, Shay Mitchell.
MTV европските музички награди ќе се одржат на 25 октомври во Медиоланум форум во Милано.
Како и секогаш, Aнтена 5 радио ќе ве известува за најпрестижната ноќ во европскиот музички календар во живо од Милано.
13.10.2015