Антена 5 Вести

Rod Stewart ќе ги затвори Brit Awards

Rod Stewart ќе го затвори престојното издание на Британските музички награди со специјален настап!

Ова ќе биде вторпат музичката легенда да настапи на наградите, по 1993 кога исто така му беше врачена наградата за Особен придонес кон музиката.

Stewart се смета за еден од најголемите рокенрол ѕвезди на сите времиња со фантастична кариера во рамките на која може да се пофали со десет бр.1 албуми и 26 топ 10 синглови во Британија. Неговите албуми се продадени во тираж од над 250 милиони примериоци во глобални рамки.

Оваа музичка легенда е се уште активна. Во 2019 го издаде албумот 'You're In My Heart: Rod Stewart With The Royal Philharmonic Orchestra', кој се пласираше на 1 позиција на британската албумска листа каде остана три недели.

Меѓу големите хитови на Stewart се вбројуваат 'Gasoline Alley', 'Every Picture Tells a Story', 'Mandolin Wind', 'You Wear It Well',  roj'The Killing of Georgie', 'Tonight's the Night', 'You're In My Heart (The Final Acclaim)', 'Do Ya Think I'm Sexy?'', 'Maggie May' ...

Британските музички награди ќе се одржат во лондонската О2 Арена на 18 февруари. На наградите ќе настапат уште Billie Eilish, Celeste, Dave, Harry Styles, Lewis Capaldi, Lizzo, Mabel и Stormzy!

Антена 5 радио ќе биде присутна во Лондон за наградите со своја екипа и подготвува, како и секогаш, специјална програма посветена на најзначајната ноќ во британскиот музички календар која ќе биде пренесувана во живо.

12.02.2020
Музички времеплов
  • 1990 - UK No.1 Snap! 'The Power'
  • 1995 - Jimmy Page за малку одбегнува да биде прободен со нож од обожавател кој се искачил на сцена додека настапувал во Мичиген. Обожавателот бил спречен од двајца телохранители, кои ги повредил со ножот. По инцидентот и објаснил на полицијата дека сакал да го убие Jimmy Page зашто музиката што ја свирел била сатанистичка.
  • 1984 - USА No.1 Kenny Loggins 'Footloose'
  • 1976 - UK No.1 Brotherhood Of Man 'Save Your Kisses For Me'
  • 1979 - Greatest Hits Vol 2' на Barbra Streisand станува нејзиниот прв британски бр.1 албум.
  • Повеќе
Фреквенции
Скопје