Настани

D Festival 2016

15.07.2016 20:00 - 17.07.2016 23:59

6-тото издание на Д фестивалот во Дојран се одржа од 15 до 17 јули 2016. Тридневниот музички маратон понуди педесетина домашни и странски изведувачи кои настапија на пет фестивалски бини.

Меѓу годинешните ѕвезди беа Sigma, Roger Sanches, Toy dolls, Бернајс пропаганда, Дубиоза Колектив, Хладно пиво, Лолобриџида, Паркети, Чиста Околина.

Годинава покрај главната фестивалска бина на паркингот Гранит, Москито бината во фестивалскиот камп, фестивалот понуди и нова концертна локација Church Stage - во црквата „Свети Илија“ во Стар Дојран, на падините над фестивалскиот камп. Таму настапија Елена Христова од етносоставот „Баклава“ и виртуозот на канон Ибрахим Џенгис, како и „Љубојна“ со проектот „Акустично глаголицирање или Љубојна на тацна“.

Програмата на Lake Awake бината, пак, беше посветена на електронската музика.

Во рамките на фестивалот беа организирани и рекреативни активности како Зумба, Јогалатес, Аеробик, Бабл фудбал, стоечко веслање, арт активности како базари, работилници и проекции на документарци во рамките на Македокс патувачкото кино

„Д Фестивал“ годинава се одржува во рамки на манифестацијата „Дојран - град на културата 2016“.

Музички времеплов
  • 1989 - Cliff Richard го издава својот стоти сингл 'The Best Of Me'.
  • 1999 - На Ivor Novello наградите, Rod Stewart и Chrissie Hynde добиваат одликувања за придонес во британската музика, а Robbie Williams и Guy Chambers се прогласени за текстописци на годината.
  • 1971 - Родена е Lisa Left- Eye Lopes, од TLC (1995 US No.1 & UK No.4 'Waterfalls' 1999 USА No.1 албум 'Fanmail').
  • 1948 - Роден е Pete Sears од Jefferson Starship (1987 UK & US No.1 'Nothing's Gonna Stop Us').
  • 1977 - Издаден е хитот на Sex Pistols, 'God Save The Queen'. Песната била забранета на ТВ, на радио и за продажба во некои продавници во В.Британија. Сепак, се продава во над 200.000 копии за една недела и доаѓа до втората позиција на британската синглска листа.
  • Повеќе
Фреквенции
Скопје