Антена 5 Вести

Katy Perry ќе настапи на Brit Awards

Американската ѕвезда Katy Perry се приклучи кон листата изведувачи на претстојните Британски музички награди. Тоа ќе биде нејзин прв настап во живо на британските ТВ екрани после три години.

“Возбудена сум што ќе се вратам во една од моите омилени земји откаде доаѓаат некои од моите најголеми музички влијанија. Возбудена сум што после три години ќе се вратам на сцената на Brit Awards,“ се огласи Perry.

Своето враќање на сцената Perry го најави со настапот на Греми наградите кои се одржаа во неделата во Лос Анџелес,  а на кои го изведе новиот сингл “Chained To the Rhythm”.

Претходно, беше објавено дека на Британските музички награди ќе настапат Bruno Mars, Ed Sheeran, Robbie Williams, Skepta, The 1975, Little Mix и Emeli Sande. Како водители на манифестацијата се ангажирани Dermot O’Leary и Emma Willis.

Наградите ќе бидат емитувани во живо на Антена 5 радио.  

14.02.2017
Музички времеплов
  • 1956 - Роден е Neil Finn, гитарист и вокалист во Crowded House (1992 UK No.7 'Weather With You').
  • 1989 - Cliff Richard го издава својот стоти сингл 'The Best Of Me'.
  • 1948 - Роден е Pete Sears од Jefferson Starship (1987 UK & US No.1 'Nothing's Gonna Stop Us').
  • 1966 - Роден е Sean Kinney од Alice In Chains (1993 UK No.19 'Would').
  • 1975 - Роден е Benjamin Andre односно Andre 3000 од Outkast.
  • Повеќе
Фреквенции
Скопје