Настани

D Festival 2016

15.07.2016 20:00 - 17.07.2016 23:59

6-тото издание на Д фестивалот во Дојран се одржа од 15 до 17 јули 2016. Тридневниот музички маратон понуди педесетина домашни и странски изведувачи кои настапија на пет фестивалски бини.

Меѓу годинешните ѕвезди беа Sigma, Roger Sanches, Toy dolls, Бернајс пропаганда, Дубиоза Колектив, Хладно пиво, Лолобриџида, Паркети, Чиста Околина.

Годинава покрај главната фестивалска бина на паркингот Гранит, Москито бината во фестивалскиот камп, фестивалот понуди и нова концертна локација Church Stage - во црквата „Свети Илија“ во Стар Дојран, на падините над фестивалскиот камп. Таму настапија Елена Христова од етносоставот „Баклава“ и виртуозот на канон Ибрахим Џенгис, како и „Љубојна“ со проектот „Акустично глаголицирање или Љубојна на тацна“.

Програмата на Lake Awake бината, пак, беше посветена на електронската музика.

Во рамките на фестивалот беа организирани и рекреативни активности како Зумба, Јогалатес, Аеробик, Бабл фудбал, стоечко веслање, арт активности како базари, работилници и проекции на документарци во рамките на Македокс патувачкото кино

„Д Фестивал“ годинава се одржува во рамки на манифестацијата „Дојран - град на културата 2016“.

Музички времеплов
  • 1978 - Во Њујорк Police го имаат првиот настап во САД. Летале со евтини авионски билети, а инструментите си ги носеле во обични куфери.
  • 1971 - Родена е австралиската пејачка Dannii Minogue (1991 UK No.8 'Love And Kisses' и уште 10 други британски топ 40 хитови).
  • 1996 - Британскиот пејач Mark Morrison е притворен поради обид за кражба во продавница во западен Лондон. Подоцна е ослободен со кауција.
  • 1953 - Роден е Tom Petty, гитарист и вокалист во Tom Petty and the Heartbreakers (1989 UK No.28 'I Won't Back Down').
  • 1960 - UK No.1 Roy Orbison 'Only The Lonely'
  • Повеќе
Фреквенции
Скопје