Антена 5 Вести

Eminem ќе настапи на MTV Europe Music Awards

Само еден ден по објавувањето на новиот сингл “Walk On Water” на Eminem во соработка со Beyonce, објавено е дека раперот ќе се приклучи кон изведувачите на MTV Europe Music Awards кои ќе се одржат на 12 ноември во Лондон.

Се уште нема потврда дали на сцената ќе му се приклучи и Beyonce, но неговите фанови секако се израдуваа на веста дека по подолга пауза еден од највлијателните рапери ќе се врати на музичката сцена. Освен што ќе го изведе својот најнов сингл, Eminem е номиниран во две категории – Најдобар хип-хоп изведувач и Најдобар изведувач во живо.

Ова ќе биде негово четврто појавување на наградите. Последен пат настапи во 2013 во Амстердам кога ги изведе “Rap God” и “Berzerk” од неговиот последен албум “The Marshall Mathers LP2”. Тогаш беше добитник на наградата Глобална икона, а исто така победи во категоријата најдобар хип-хоп изведувач.  Во 2004 во Рим ги изведе “Like Toy Soldiers”/”Just Lose It”, а во 2002 во Барселона со “Cleanin’ Out My Closet”/”Lose Yourself”.

Eminem е еден од најуспешните изведувачи во историјата на MTV европските музички награди – може да се пофали со 35 номинации и 15 освоени награди.

Неодамна некои медиуми во Детроит, неговиот роден град, известија дека одржува проби за настапот во Лондон заедно со Skylar Gray, која е копродуцент на новиот сингл заедно со Rick Rubin.

Oва е прв сингл од новиот албум на Еминем, “Revival”, кој ќе се издаде наскоро.

11.11.2017
Музички времеплов
  • 1996 - Раперот NAS започнува 4-неделен престој на првото место на американската албумска листа со 'It Was Written'. If I Ruled The World
  • 2003 - Лидерот на Coldplay, Chris Martin е обвинет за напад на фотограф во Австралија, кој сакал да го слика додека сурфал.
  • 1947 - Роден е легендарниот пејач и текстописец Cat Stevens. Во 1977 година ја прифаќа муслиманската религија и си го менува името во Yusef Islam. Се потсетуваме на неговата класика Father And Son.
  • 2002 - Во сообраќајка загинуваат пордуцентот Gus Dudgeon и неговата сопруга Sheila. Dudgeon е најпознат по соработката со Elton John.
  • 2004 - По долга борба со ракот, на 75 години умира композиторот Jerry Goldsmith, најпознат по музиката за серијата ‘Ѕвездени патеки’.
  • Повеќе
Фреквенции
Скопје