Настани

“Браќа Манаки“ - Интернационалниот фестивал на филмската камера

18.09.2015 20:00 - 27.09.2015 23:00

36-тото издание на Интернационалниот фестивал на филмската камера „Браќа Манаки“ започнa на 18 септември во Битола со светската премиера на филмот „Лазар“, во режија на Светозар Ристовски.

Покрај славните актери Бруно Ганц и Алексеј Серебрјаков ─ на кои им беше доделена Специјалната „Златна камера 300“, за особен придонес во филмската уметност ─ на црвениот килим ќе продефилира и двајцата кинематографери, лауреати на Наградата за животно дело – „Златна камера 300“, Ришард Ленчевски и Божидар-Бота Николиќ. На третиот добитник, Јаромир Шофр, наградата ќе му биде врачена на свеченото затворање, на 27 септември.

Наградата „Голема ѕвезда на македонскиот филм“ Друштвото на филмските работници на Македонија годинава му ја додели на Дарко Марковиќ .

 

Под мотото „Филмот е убав“, Фестивалот и најавува 13 програмски категории во кои ќе бидат прикажани 215 филмови.

На програмата се наслови од големите филмски фестивали ─ од сите континенти, и од повеќе од 40 земји. 103-те филма кои ќе бидат прикажани во Битола од 18 до 27 септември се во различни категории, од кои три се  натпреварувачки категории (Официјална, Нов европски филм и СЕЕ камера). Останатите 111 се студентски филмови.

Организаторите најавија присуство на околу 700 гости (еминентни филмски работници, критичари и студенти). Гости во Битола се и седумдесет  најдобри студенти од факултетите за драмски уметности од 13 универзитети од ЈИЕ, со кои Фестивалот годинава потпиша меморандуми за соработка.

Во официјалната програма се 13  жанровски различни филма, снимени од веќе познати директори на фотографија, но и остварувања на нови имиња. Меѓу филмовите има и наградени на престижните фестивали во Кан, Берлин и Венеција. Тие ќе се натпреваруваат за наградите „Златна камера 300“ (Златна, Сребрена и Бронзена), а наградите ќе бидат врачени на затворањето на ИФФК.

За наградите во главната натпреварувачка програма ќе одлучува петчлено меѓународно жири, под претседателство на полскиот кинематографер Ришард Ленчевски - еден од тројцата годинашни добитници на „Златна камера 300“ за животно дело. 

Оваа година „Браќа Манаки“ ќе има две нови натпреварувачки програми: Нов европски филм - посветена на први или втори играни филмови на режисери од Европа (десет филма селектирани од Дејан Трајкоски) и програмата SEE Камера (осум филма селектирани од Саша Станишиќ). Во двете програми ќе се доделуваат по две награди (за филм и за кинематографер) награда „Бона деа“ за европските филмови и „Златен Манаки“ за филмовите од Југоисточна Европа. Тука се и Документарната програма (селектор Гена Теодосиевска) и Кратки филмови (селектор Јованка Попова), како и детската програма „Големо платно - голема разлика“ на фестивалскиот партнер - ВИП. 

Покрај филмски проекции, на фестивалот има конференции (за филмска критика, за кинематографери од Балканот..), работилници, семинари, промоции и изложби, 75 придружни настани на 40-ина локации во градот.

Иако донесува новини, меѓу кои и е поголемото времетраење, годинашниот ИФФК ја задржува практиката воведена пред неколку години да биде отворен со премиера на македонски филм. „Лазар“ е копродукција на Македонија, Хрватска, Бугарија и Франција и оставрување на режисерот Светозар Ристовски по 11 години.

Музички времеплов
  • 1983 - Се распаѓа ирската група Undertones. Teenage Kicks
  • 2002 - Jay-Z го добива првиот американски бр.1 албум ‘The Blueprint 2’. So Beyonce, Bonnie & Clide
  • 1991 - На 45 години од СИДА умира Freddie Mercury od Queen, само еден ден откако пред јавноста открива дека е ХИВ позитивен. Mercury бил отворен бисексуалец и уживал во својот шарен живот на рок ѕвезда.
  • 1991 - Cyndi Lauper стапува во брак со актерот David Thornton и мисата во Менхетен ја одржува Little Richard.
  • 1992 - Завршува бракоразводниот процес на Bill Wyman и неговата поранешна сопруга Mandy Smith добива 580.000 фунти.
  • Повеќе
Фреквенции
Скопје