Антена 5 Вести

ИФА Глобална прес конференција во Лисабон

Од 20 до 23 април во Лисабон, Португалија, се одржа годинешната ИФА глобална прес конференција на која е најавен саемот ИФА 2017, најголемиот европски саем на потрошувачка електроника и апарати за домаќинство, кој како и секогаш ќе се одржи на почетокот од септември во Берлин, Германија.

На ИФА глобална прес конференција учествуваа околу 300 претставници на медиумите од разни страни на светот, меѓу кои и Антена 5 радио. Овој настан се одржува  веќе 11 години, а негови претходни домаќини биле градовите Амстердам и Хонгконг. Тој е замислен како своевидно дружење на производителите со новинарите за да може претставниците на седмата сила да дознаат што повеќе информации за новитетите кои ќе бидат претставени на берлинскиот саем, како и трендовите во индустријата. Така, најавено е дека во наредниов период во областа на мобилната телефонија, апаратите за домаќинство и ИТ секторот ќе го одбележат, меѓу другото, потполно вмрежување на куќната техника, еволуција на телевизорот, мобилноста на слушалките и нивен поголем квалитет и можности, гласовни команди кои ќе бидат застапени во се поголем број на уреди, нови дизајнерски решенија вграден интернет во апаратите за домаќинство.

На првиот ден на конференцијата беа одржани презентации на компании кои ќе учествуваат на ИФА Берлин во септември, меѓу кои Филипс, Самсунг и Порше дизајн. На вториот ден се одржа ИФА глобална прес конференција во чии рамки ИТ стручњаците и аналитичарите ги претставуваа трендовите кои ќе доминираат годинава.

Во Лисабон беше најавено дека годинашното издание на ИФА Берлин ќе се одржи од 1 до 6 септември и дека овој саем ќе биде најголемиот досега. Во однос на новините, покрај ИФА Глобалниот маркет кој беше востановен минатата година и се одржува во посебен простор, годинава саемот ќе биде збогатен со настанот насловен IFA Next - потполно нов концепт кој на едно место ќе ги привлече стартапите, но и разни други иновативни проекти, истражувачките лаборатории, универзитети и компании. Со IFA Next, иновациите ќе добијат сопствена сцена.

04.05.2017
Музички времеплов
  • 1935 - Роден е Ruby Lewis од Drifters (1960 US No.1 & UK No.2 'Save The Last Dance For Me').
  • 1971 - Родена е Lisa Left- Eye Lopes, од TLC (1995 US No.1 & UK No.4 'Waterfalls' 1999 USА No.1 албум 'Fanmail').
  • 1977 - Издаден е хитот на Sex Pistols, 'God Save The Queen'. Песната била забранета на ТВ, на радио и за продажба во некои продавници во В.Британија. Сепак, се продава во над 200.000 копии за една недела и доаѓа до втората позиција на британската синглска листа.
  • 1956 - Роден е Neil Finn, гитарист и вокалист во Crowded House (1992 UK No.7 'Weather With You').
  • 1989 - Cliff Richard го издава својот стоти сингл 'The Best Of Me'.
  • Повеќе
Фреквенции
Скопје