Настани

D Festival 2016

15.07.2016 20:00 - 17.07.2016 23:59

6-тото издание на Д фестивалот во Дојран се одржа од 15 до 17 јули 2016. Тридневниот музички маратон понуди педесетина домашни и странски изведувачи кои настапија на пет фестивалски бини.

Меѓу годинешните ѕвезди беа Sigma, Roger Sanches, Toy dolls, Бернајс пропаганда, Дубиоза Колектив, Хладно пиво, Лолобриџида, Паркети, Чиста Околина.

Годинава покрај главната фестивалска бина на паркингот Гранит, Москито бината во фестивалскиот камп, фестивалот понуди и нова концертна локација Church Stage - во црквата „Свети Илија“ во Стар Дојран, на падините над фестивалскиот камп. Таму настапија Елена Христова од етносоставот „Баклава“ и виртуозот на канон Ибрахим Џенгис, како и „Љубојна“ со проектот „Акустично глаголицирање или Љубојна на тацна“.

Програмата на Lake Awake бината, пак, беше посветена на електронската музика.

Во рамките на фестивалот беа организирани и рекреативни активности како Зумба, Јогалатес, Аеробик, Бабл фудбал, стоечко веслање, арт активности како базари, работилници и проекции на документарци во рамките на Македокс патувачкото кино

„Д Фестивал“ годинава се одржува во рамки на манифестацијата „Дојран - град на културата 2016“.

Музички времеплов
  • 1987 - UK No.1 Ben E King 'Stand By Me'
  • 1933 - Родена е Nina Simone (1959 USА No.18 'I Love You, Porgy', 1968 UK No.2 'Ain't Got No I Got life').
  • 1998 - UK No.1 Celine Dion 'My Heart Will Go On'
  • 1964 - Издадени се три британски синглови, што подоцна ќе станат класики: 'Not Fade Away' на Rolling Stones, 'Just One Look' на Hollies и 'Little Children' на Billy J Kramer.
  • 1976 - UK No.1 Four Seasons 'December '63 (Oh What A Night)
  • Повеќе
Фреквенции
Скопје