Антена 5 Вести

Rag’n’Bone Man ќе настапи на Brit Awards

Минатогодишниот добитник на Critic’s Choice наградата, Rag’n’Bone Man се приклучи кон листата изведувачи на Британските музички награди.

Британскиот пејач, чие вистинско име е Rory Graham, има успешна година зад себе – неговото прво студиско издание “Human” дебитираше на 21 место на британската албумска листа и стана најбрзо продаваниот деби албум на британски машки изведувач во последната деценија. Освен тоа, минатата година на престижната манифестација ја освои и наградата за Најдобар британски нов изведувач, а настапи и на повеќе музички фестивали меѓу кои Exit во Нови Сад.

Rag’n’Bone Man се приклучува кон листата изведувачи составена од Foo Fightеrs, Ed Sheeran, Sam Smith, Dua Lipa и Stormzy.

Британските музички награди ќе се одржат на 21 февруари во лондонската O2 Арена. Водител на манифестацијата ќе биде британскиот комичар Jack Whitehall.

Антена 5 и оваа година ќе ги емитува во живо Британските музички награди и подготвува специјална програма со јавувања во живо, интервјуа и извештаи пласирани во својата радио програма и преку своите друштвени платформи.

16.01.2018
Музички времеплов
  • 1996 - Братот на Diana Ross, текстописецот Arthur Ross е убиен со гушење. Пишувал песни за Marvin Gaye, Miracles, Madonna и други изведувачи.
  • 1968 - Албумот на Otis Redding, 'Dock Of The Bay' доаѓа на првото место на британската албумска листа.
  • 2000 - Откако неколку пати си го менуваше името во текот на 90-те, Артистот порано познат како Prince објавува дека повторно сака да го нарекуваат Prince.
  • 1963 - На 13 годишна возраст Stevie Wonder за првпат доаѓа на американската топ листа како Little Stevie Wonder со хитот 'Fingertips Parts One and Two.'
  • 1957 - Роден е Gary Beers, басист во INXS (1988 UK No.2 & USА No.1 'Need You Tonight')
  • Повеќе
Фреквенции
Скопје