Антена 5 Вести

Lizzo и Dave со настапи на Brit Awards

Lizzo и Dave се приклучуваат кон листата изведувачи на Британските музички награди закажани за 18 февруари.

Трикратната Греми добитничка Lizzo ќе го има својот досега најгледан ТВ настап во Британија. Американската ѕвезда наедно е номинирана во категоријата Најдобар интернационален женски изведувач. Пролетта 2019 година Lizzo го издаде својот трет албум “Cus I Love You” на кој се најде “Truth Hurts”, хитот кој го изведе на своето деби на Гластонбери фестивалот минатото лето.

Британскиот рапер Dave во март 2019 година го издаде својот деби албум “Psychodrama” кој дебитираше на врвот на британската албумска листа, наедно поставувајќи рекорд за најстримуван албум во првата недела од издавањето. Албумот му добнесе одлични критики и 4 номинации за Британските музички награди: Песна на годината (за “Location” во соработка со Burna Boy), Албум на годината, Најдобар нов изведувач и Најдобар машки соло изведувач.

Претходно како изведувачи на Brit Awards се најавени Billie Eilish, Harry Styles, Lewis Capaldi, Mabel, Stormzy, Celeste.

Британските музички награди ќе се одржат на 18 февруари во лондонската O2 Aрена. Антена 5 радио ќе биде присутна во Лондон за наградите со своја екипа и подготвува, како и секогаш, специјална програма посветена на најзначајната ноќ во британскиот музички календар .

06.02.2020
Музички времеплов
  • 1955 - Роден е William Broad, попознат како Billy Idol, дел од Generation X (1979 UK No.11 'King Rocker') и соло изведувач.
  • 1968 - Родена е британската пејачка и текстописец Des'ree.
  • 1991 - Членот на Milli Vanilli, Rob Pilatus, се самоубил во хотел во Лос Анџелес, откако се предозирал со апчиња за спиење и си ги исекол вените на рацете.
  • 1969 - Monkees одржуваат концерт во Калифорнија и тоа ќе им остане последен настап во живо во следните 15 години.
  • 2002 - Судот објавува дека George Harrison своето богатство од 99 милиони фунти им го оставил на својата сопруга Oliva и на синот Dhani. Имотот во Лондон покрај р. Темза му е проценет на 15 милиони фунти.
  • Повеќе
Фреквенции
Скопје