Од 13 до 16 јануари во Гронинген, Холандија, ќе се одржи јубилејното 30. издание на Eurosonic Eurosonic Noorderslag фестивалот на кој учествува и Антена 5 радио.
Eurosonic Noorderslag e значајна платформа за размена и вмрежување на европската музичка сцена, помагајќи им на новите таленти да се пробијат на интернационалната сцена. Оттука стартуваа кариерите на голем број изведувачи како Bastille, Hoyier, Milky Chance, Royal Blood.
Годинава Eurosonic го прославува своето 30-то издание, со регионот на Централна и Источна Европа како своја фокус територија за 2016, овозможувајќи им претставување на 34 изведувачи од 14 земји од овој регион, меѓу кои June од Македонија, Дубиоза Колектив од БиХ, Hornsman Coyote & Soulcraft од Србија, Jonathan од Хрватска.
Веќе долги години Eurosonic е распродаден настан кој привлекува над 3.900 професионалци од европската музичката и медиумска сцена. Планирани се стотина панели, работилници, презентации на битни луѓе од индустријата, работни вечери на кои се разговара за најновите состојби и трендови. Во рамките на Eurosonic ќе се одржат и неколку манифестации со доделување на награди, како и голем број концерти на разни локации низ Гронинген.
Во однос на музичката програма ќе настапат над 300 изведувачи, меѓу кои Alvaro Soler, Dua Lipa, Lost Frequencies, Kovacs, Alle Farben, Graham Candy, Oscar and the Wolf, SOAK, I am Oak, Aurora.
Антена 5 ќе ве известува во живо од Eurosonic.
13.01.2016