По издавањето на нејзиниот осми студиски албум “Anti”, неделава ни пристига веста дека глобалната супер ѕвезда Rihanna ќе настапи на претстојното издание на Британските музички награди.
Албумот “Anti” се искачи на 1 место на iTunes листите во 30 земји, додека синглот “Work” со кој го најави албумот беше бр.1 во дури 90 земји.
Ова ќе биде четврти пат Rihanna да настапи на престижната манифестација: во 2008 ја изведе “Umbrella” со Klaxons, во 2011 имаше медли со “Only Girl in The World”, “S&M” и “What’s My Name”, додека во 2012 ја изведе “We Found Love”.
На Brit Awards ќе настапат уште Adele, Coldplay, Justin Bieber, Jess Glynne, James Bay, The Weeknd и Little Mix.
Наградите ќе се одржат во лондонската O2 Арена на 24 февруари и ќе бидат пренесувани во живо на Антена 5 радио.
04.02.2016