Музички Вести

Збогување со Pete Burns

Пејачот на Dead or Alive, Pete Burns, почина од срцев удар, на 57-годишна возраст.

Burns е роден 1959 во Англија. Училиштето го напуштил на 14-годишна возраст и едно време работел во музичката продавница Probe Records во Ливерпул.

Во 1977 година соработувал со локалната група Mystery Girls. Две години подоцна го основал бендот Nightmares in Wax кој по само едно EP го промени името во Dead or Alive. Снимија серија синглови пред да постигнат голем успех со  “You Spin Me Round (Like a Record)”  кој беше бр.1 во Британија и Канада.

Burns беше познат и по својот андроген стил и прогресивниот пристап кон родовата определба. Често се облекуваше во женска облека, а беше и вистински зависник од пластичната хирургија. Како што изјави самиот, имал околу 300 операции, главно на лицето, а во 2006 во текот на операцијата на носот замалку ќе го загубеше животот. Но, оваа опсесија доведе и до негов банкрот откако мораше да плати огромна сума за санирање на последниците на неуспешната операција на усните.

Што се однесува до неговиот приватен живот, во 1978 се венча со фризерката Lynne, од која се раздели во 2006. Кратко потоа, Burns се венча со својот партнер Michael Simpson поканувајќи ги ТВ екипите на својата свадба.

27.10.2016
Музички времеплов
  • 1985 - Billy Joel се жени со моделката Christie Brinkley на брод кој плови покрај Статуата на слободата. Ќе се разведат по 10 години.
  • 1968 - Роден е Damon Albarn, вокалист во Blur (1994 UK No.1 албум 'Park Life' - мине 2 години на британската топ листа, 1995 UK No. 1 'Country House' и уште 12 други UK Top 40 синглови) и на Gorillaz (2005 UK No.1 'Dare').
  • 1966 - Роден е Mark McLoughlin одосно Marti Pellow, вокалист Wet Wet Wet (1994 UK No. 1 'Love Is All Around' - мине 15 недели на првото на британската топ листа, и 20 други UK Top 40 синглови).
  • 1996 - US No.1 Celine Dion 'Because You Loved Me'
  • 1953 - Родена е Yvette Marie Stevens, односно Chaka Khan (1984 UK No.1 & USА No.3 'I Feel For You').
  • Повеќе
Фреквенции
Скопје