Дента пред да го освои Оскарот, Sandra Bullock ја доби наградата за Најлоша актерка во 2009 година. За разлика од повеќето наградени на Златната малина, таа се појави лично да ја прими наградата. Bullock наедно стана првата личност која во иста година освоила Златна малина и Оскар.
Таа го освои Оскарот за Најдобра женска главна улога за ролјата во “The Blind Side”. Златната малина за Најлоша женска главна улога, пак, ја доби за улогата во “All About Steve”.
Актерката се појави на доделувањето на Златната малина со еден куп ДВД изданија за да им ги додели на организаторите кои ги обвини дека никогаш не го виделе филмот.
“Ви благодарам што ја уништивте мојата кариера со една многу лоша одлука,“ изјави Bullock и се закани дека ќе го чита својот дијалог од филмот до 4 наутро.
Во филмот “All About Steve” актерката игра лик на енигматичарка која се вљубува во камерман кого го толкува Bradley Cooper и го следи насекаде.
Организаторите на Златната малина исто така ги прогласија Bullock и Bradley за најлош филмски пар за 2009.
Беа доделени и награди за Најлошите изданија на деценијата. Филмот “Batterfield Earth” од 2000 година, базиран врз делата на основачот на Саентологијата L.Ron Hubbard, беше прогласен за Најлош филм на деценијата.
“Сакам особено да им се заблагодарам на дузина и дузина луѓе кои го погледнаа филмот,“ изјави J.D. Shapiro, храбриот сценарист на “Batterfield” кој се појави за да ја земе наградата.
За најлоши актери во минатата деценија беа прогласени Eddie Murphy и Paris Hilton.
Список на наградени на Златната малина:
Најлош филм: "Transformers: Revenge of the Fallen"
Најлош актер: The Jonas Brothers ("Jonas Brothers: The 3-D Concert Experience")
Најлоша актерка: Sandra Bullock ("All About Steve")
Најлоша машка споредна улога: Billy Ray Cyrus ("Hannah Montana: The Movie")
Најлоша женска споредба улога: Sienna Miller ("G.I. Joe: The Rise of Cobra")
Најлош филмски пар: Sandra Bullock and Bradley Cooper ("All About Steve")
Најлошо сценарио: "Transformers: Revenge of the Fallen"
Најлош режисер: Michael Bay ("Transformers: Revenge of the Fallen")
Најлош римејк или продолжение: "Land of the Lost"