Жени во денешно време водат влади, компании и ја сочинуваат половина од светската работна сила, но меѓународна анкета вели дека секој четврти човек, најчесто младите, веруваат дека на жента местото и е дома.

Анкетата меѓу 24.000 возрасни во 23 земји, предводена од Reuters/Ipsos и објавена вчера покажува дека луѓето од Индија (54%), Турција (52%), Јапонија (48%), Кина, Русија и Унгарија (34%) и Јужна Кореа (33%) најмногу се согласуваат дека жената не треба да оди на работа.

Најчудно е што тој поглед го поддржуваат луѓе меѓу 18 и 34 години, а не оние од постарите, потрадиционални генерации.

Сепак, најголемиот дел, дури 74%, сметаат дека местото на жената сигурно не и дома.

"Жените во минатиот век направија голем напредок од политиката, до спортот, медиумите и интелектуалното подрачје, но се уште постојат бариери," вели John Wright од маркетинг компанијата Ipsos.

Во земјите каде што се верува дека жената треба да си ностане дома, нема разлика во мислењето меѓу мажите и жените. На пример, во Индија, еднаков број мажи и жени сметаат дека жената треба да си седи дома.