Настани

D Festival 2016

15.07.2016 20:00 - 17.07.2016 23:59

6-тото издание на Д фестивалот во Дојран се одржа од 15 до 17 јули 2016. Тридневниот музички маратон понуди педесетина домашни и странски изведувачи кои настапија на пет фестивалски бини.

Меѓу годинешните ѕвезди беа Sigma, Roger Sanches, Toy dolls, Бернајс пропаганда, Дубиоза Колектив, Хладно пиво, Лолобриџида, Паркети, Чиста Околина.

Годинава покрај главната фестивалска бина на паркингот Гранит, Москито бината во фестивалскиот камп, фестивалот понуди и нова концертна локација Church Stage - во црквата „Свети Илија“ во Стар Дојран, на падините над фестивалскиот камп. Таму настапија Елена Христова од етносоставот „Баклава“ и виртуозот на канон Ибрахим Џенгис, како и „Љубојна“ со проектот „Акустично глаголицирање или Љубојна на тацна“.

Програмата на Lake Awake бината, пак, беше посветена на електронската музика.

Во рамките на фестивалот беа организирани и рекреативни активности како Зумба, Јогалатес, Аеробик, Бабл фудбал, стоечко веслање, арт активности како базари, работилници и проекции на документарци во рамките на Македокс патувачкото кино

„Д Фестивал“ годинава се одржува во рамки на манифестацијата „Дојран - град на културата 2016“.

Музички времеплов
  • 1968 - Албумот на Otis Redding, 'Dock Of The Bay' доаѓа на првото место на британската албумска листа.
  • 1963 - На 13 годишна возраст Stevie Wonder за првпат доаѓа на американската топ листа како Little Stevie Wonder со хитот 'Fingertips Parts One and Two.'
  • 1961 - Роден е Jimmy Somerville, дел од Bronski Beat и Communards и познат како соло изведувач.
  • 1997 - Wu-Tang Clan се искачуваат на првото место на американската албумска листа со 'Wu- Tang Forever'.
  • 2002 - Гитаристот на U2, 'The Edge' се жени со својата долгогодишна девојка Morleigh Steinberg. Се запознале кога таа била стомачна танчерка на турнејата Zoo TV на бендот. Меѓу гостите се Bono, членот на Eurythmics, Dave Stewart и Lenny Kravitz.
  • Повеќе
Фреквенции
Скопје