Антена 5 Вести

The 1975 ќе настапат на Brit Awards

Најдобро приодаваниот британски бенд во моментов, The 1975 ќе настапи на Британските музички награди, приклучувајќи им се на George Ezra, Little Mix и Jorja Smith на листата изведувачи.

“Почестени сме што сме номинирани во две категории за претстојните Британски музички награди и возбудени сме што ќе се вратиме во О2 Арената за да настапиме на сцената. Шоуто ќе биде извонредно,“ се вели во изјавата потпишана од момците.

Бендот The 1975 годинава e номиниран за Најдобра британска група, категорија која ја освоија во 2017, како и за Најдобар британски албум на годината. Своето трето студиско издание 'A Brief Inquiry Into Online Relationships' го објавија во ноември 2018, наедно освојувајќи ја британската албумска листа по трет пат. Оваа четворка од Манчестер во моментов е на турнеја низ Британија, а наскоро ги очекуваат и концерти во глобални рамки.

39-тото издание на Британските музички награди ќе се одржи на 20 февруари во O2 Арената во Лондон и ќе се емитува во живо на Антена 5 радио. Номинациите за наградите беа објавени кон средината на јануари, а листата со по 4 номинации ја предводат Anne-Marie и Dua Lipa. Домаќин на манифестацијата е актерот и комичар Jack Whitehall.

22.01.2019
Музички времеплов
  • 1974 - USА No.1 George McCrae 'Rock Your Baby'
  • 1985 - Во 12:01 на Вембли стадионот Status Quo го отвораат спектаклот 'Live Aid', кој подразбира истовремени концерти во Лондон и Филаделфија. Настапува кремот на најголемите светски музички ѕвезди и овој светски настан собира 40 милиони фунти, кои одат во добротворни цели. Настанот го следат над 1,5 милијарда луѓе во 160 земји и станува најгледан ТВ пренос на сите времиња.
  • 1965 - Paul McCartney добива 5 Ivor Novello награди. На церемонијата задоцнил 40 минути зашто заборавил дека бил поканет.
  • 2002 - Fatboy Slim прави застој во реонот на Брајтон зашто организирал бесплатна забава на плажа. Самиот вложил сопствени 100.000 фунти за забавата зашто откажале спонзорите.
  • 1991 - Фондацијата Everly Brothers купува земјиште во родниот град на членовите на дуото со цел да изгради парк и музеј во нивна чест.
  • Повеќе
Фреквенции
Скопје